文章
相簿

2018年6日5夜柳州、桂林美食之旅

2018年6日5夜柳州、桂林美食之旅-day4

Dusty&Angela開心遊世界 於 2018年08月25日發表   人氣:38


 

 

今日早餐就在酒店樓下間崇善米粉,這店聽講好出名的,一於入去試試

 

 

裡面客人都唔少,要搵下位先,然後就點了酸辣煮粉及鮮肉煮粉

 

 

酸辣煮粉:湯頭比較一般,米粉唔算好Q

 

 

鮮肉煮粉:無試

 

 

食飽後就出發去漓江,我們行去汽車客運總站後面的當地旅行社,其實車站附近都有些人在拉客,經過一輪討價還價後,楊堤到九馬段竹筏遊包車票,價錢係$160位,其實網上訂應該還會平些小的

 

 

 

之後等夠鐘就上旅遊巴,其實途中很多旅巴去陽朔的,都會經過楊堤的,好像收費係$20位,我們提早同司機講楊堤要落車的,因這車係去陽朔,好像被賣豬仔咁!又無導遊帶!

 

 

 

 

到了楊堤落車後,就要行過馬路到對面,會見到有個路口係有加去楊堤碼頭既小巴,價錢才$5蚊位,當然旅行社已包埋這程的

 

 

 

大概半小時就到達楊堤碼頭,不過我們還要等到中午十二點才有得拿票!

 

 

 

 

在附近影下相及買水果,然後等夠鐘就去指定地方取票,不過等排隊上竹筏既人龍好長,另外竹筏係指定四個人一隻船的,可以找人拼船,因我們得三個人又唔想同別人拼船,所以要補$20蚊俾船夫.

 

題外話:現在這些竹筏已被國家收購及管理,所以船夫都係月薪既,除了唔夠四個人一隻船既補償錢就係船夫既額外收入

 

 

 

每個船夫背後都有一個編號的

 

 

出發喇,今日既天氣比較陰,但這樣都唔錯,唔怕被曬

 

 

 

呢個船夫幾咁休閒

 

 

 

 

不知不覺一小時船程就到了九馬段

 

 

 

街邊小食

 

 

落船後,行一段路就到達去興坪古鎮既接駁車,不用另外收費,到站後就係很有名的$20蚊背面既風景

 

 

這裡就係$20蚊背面既風景地點,影完相就要再行一段路才到興坪古鎮的

 

 

 

這裡就是興坪古鎮,非常之細

 

 

 

其實無咩野行,我們行了一圈就去公巴站搭車回桂林市

 

 

落車後,先回酒店洗澡,然後再去食晚餐

 

 

原本係安排在樁記食晚餐,但見到咁既畫面,起碼要排一小時以上,所以放棄!

 

 

我們改去附近既蘭花風味館,因為老闆在門口好落力拉客,最重要係啤酒魚半價喎,好像幾抵,所以就入去試試

 

 

 

 

魚係現場揀的,非常新鮮

 

 

坐低後,我們點了啤酒魚,豆腐魚湯、紅燒豆腐、蒜蓉炒通菜、肉絲炒麵等等,價錢好實惠

 

 

豆腐魚湯:這個湯係跟啤酒魚的,不用另外收費,湯頭都幾鮮,好飲又足料

 

 

紅燒豆腐:因為玩到好累,想食些多汁既菜,整體唔錯

 

 

蒜蓉炒通菜:竟然加了腐去炒!我唔鐘意

 

 

啤酒魚:這條魚估唔到有咁大條的,睇落配料好多,醬汁亦好濃,但其實一點都唔咸的,同紅燒做法差唔多,酒味亦好淡,但睇別人講係無咩酒味的

 

 

這條魚啖啖肉的,亦無腥味,加上魚骨亦唔多,好正

 

 

肉絲炒麵:炒得夠鑊氣,唔錯

 

 

食飽後就去了西城步行街,其實好近我地住既酒店

 

 

這條街同廟街差唔多,亦多手信店同食店,無咩特別

 

 

行完就返酒店食西瓜,在酒店餐廳借了個廚房一用heehee

 


上一篇:2018年6日5夜柳州、桂林美食之旅-day4

下一篇:2018年6日5夜柳州、桂林美食之旅-day3


本BLOG人氣文章

三聖邨泰海鮮@母親節
  上星期六一行..
西貝莜面村
  早排放假同朋..
潮汕八合里海記牛肉店
  早排同朋友一..
外灘軒京川滬菜館
  早排行過天盛..
御前大江戶日式料理
  昨晚家姐請食..
繆氏川菜
  昨天同朋友兩..

Dusty&Angela開心遊世界

從新出發,Dusty&Angela的生活、旅遊、美食既回憶^^


標籤
累計瀏覽次數: 33,070
所有文章: 51
本日訪客人數: 61
累計訪客人數: 31,864