文章
相簿

2018年探索新疆11日賞黃葉、歎美食開心自駕遊之旅

2018年探索新疆11日賞黃葉、歎美食開心自駕遊之旅-day3

Dusty&Angela開心遊世界 於 1 週前發表   人氣:30


今日好早就起床,因為要去天山天池玩一日,但其實之前行程係以下,但因聽到阿勒泰朋友說哈納斯落大雪,已封山,叫我們搭火車到,然後再定行程阿勒泰,但烏魯木齊搭火車到阿勒泰要11小時,我怕去到又入不到景點,車程又辛苦,所以最後決定放棄,等下次再去!

 

01Day8 : 早餐 > 可可托海 > 布爾津 > 河堤夜市 > 友谊峰大酒店酒店


02Day9 : 禾木村半日遊 > 民宿


03Day10 : 禾木村 > 喀納斯 > 蝴蝶山庄民宿


04Day11 : 喀納斯半日 > 遊神仙湾 > 月亮湾 > 卧龙湾 > 白哈巴村


05Day12 : 白哈巴村 > 哈巴河 > 五彩灘 > 克拉瑪依市 > 烏爾禾魔鬼城看日落或日出 > 克拉瑪依市 > 晚餐 > 克拉玛依乐尚精品酒店


 

先在附近食個早餐先,這間杭州小籠包好多人幫襯,最重要係個老闆娘又後生又靚女,不過就無影到相!我們簡單地點了一碗小餛飩、一籠豬肉小籠包等等

 

 

小籠包唔似湯包咁多汁,但餡都幾足料,味道都唔錯,睇住老闆娘一邊整包,我就一邊食^^

 

 

餛飩加了很多紫菜同蝦米仔,雖然湯頭無咩特別,但加了呢兩樣材料後就變得無咁單調,餛飩皮好薄,我反而覺得餡就多左dd,但整體係ok的

 

 

食飽後就上車

 

 

出發去天山天池,由市區出發大概一小時就到

 

 

沿路都係好荒野

 

 

終於到達天山天池,原本以為就咁去安檢就可進入,但原來港澳同胞都要去警務站辦手續的!

 

 

好彩個警務站就在阪附近,而且係不用另外收費的,辦完就會俾這張紙你去安檢!

 

 

入到大廳當然先去買票,門票係$160蚊位

 

 

買完票後,就坐景點裡面既大巴上天池

 

 

不過加車開到中途就要下車,一定要經過呢條文化村

 

 

門口還有駱駝騎,當然要收費的

 

 

行完文化村後,又上返車

 

 

 

 

 

見到好多黃葉,好靚

 

 

車上講解員講,前面這窄路係自然分開兩段的,唔係人工開採喎

 

 

然後又講呢兩棵樹係連理枝,係自然生成的

 

 

沿路景色都幾靚,我覺得比夏天更好看

 

 

大概25分鐘車程就到達停車場,不過離天池還要再行多800米路

 

 

沿著前面樓梯上去,其實都好近

 

 

如果唔想行上去,可買車票坐車上去,$10位,我就決定坐,因唔知天山要行幾耐,怕我媽累!

 

 

呢個就係天池,個湖都幾大面積,風景好靚,遊客亦唔算多,正啊

 

 

 

啊媽話肚餓,要買個饢食,$10個,都係現場烤的

 

 

因為我們要搭纜車到天山,所以要再買票,原價$220蚊一位,不過之前在車上個講解員有張$10蚊優惠卷派發,所以可減$10蚊位^^,然後再坐這黃色小車去纜車

 

 

落了車就四圍影下相

 

 

沿著這路落去搭纜車

 

 

在一千八百幾米搭去大概三千米的天山觀景檯

 

 

天山景區圖

 

 

好快就到達觀景檯

 

 

在山上看到的景色好靚,又有雪景,天氣唔太凍,好舒服

 

 

我之後向上行了一段樓梯,去到第一段觀景檯就回程,因向上行的景觀應該差不多

 

 

 

周圍影了很多相,然後去坐回纜車落去

 

 

到達了天池,再四圍影相

 

 

我們只在天池附近影下相,無行得好遠

 

 

影完相,就慢慢行落去搭車

 

 

落了車,又會經過室內既手信店,但我只買了哈蜜瓜食,現場原個即開,好像係$5蚊,哈蜜瓜好甜好多汁

 

到了市中心,就去了小尕子食晚餐,這餐廳好多分店的

 

 

又係舌尖上!

 

 

餐廳既環境幾舒服

 

 

我只是睇下餐牌,主要交俾朋友點菜,之後點了尕子羊蹄、尕子羊肚、新疆饢包肉、酸辣涼粉、熗蓮白、虎皮辣子燒茄子、羊拐抓飯、花卷X4、藍莓山藥、家燒絲瓜、我愛涼皮、黃桃X2等等

 

 

酸辣涼粉:涼粉整得好滑,酸辣亦唔會很重

 

 

尕子羊蹄:羊蹄炆得好腍,膠質亦好重,雙唇食邊粘著,份量亦多

 

 

羊拐抓飯:手抓就一般般,飯亦比較淡,沒有香味

 

 

尕子羊肚:羊肚爆炒得剛剛好,夠彈性黐牙,一d都唔韌,這個必點

 

 

熗蓮白:蓮白超脆口,絕對係口感既享受,真係唔知點炒的,只是多油了些

 

 

新疆饢包肉:呢個都ok

 

 

虎皮辣子燒茄子:個醬有點失敗,如果係用豆瓣醬又覺得好淡,總之味道有點怪!

 

 

花卷:我個人對包類都一般般

 

 

藍莓山藥:無試

 

 

家燒絲瓜:竟然係同蕃茄一齊煮,都幾特別,絲瓜好甜

 

 

我愛涼皮:好像食河粉咁!

 

 

黃桃:無試

 

 

單據

 


上一篇:2018年探索新疆11日賞黃葉、歎美食開心自駕遊之旅-day4

下一篇:2018年探索新疆11日賞黃葉、歎美食開心自駕遊之旅-day2


本BLOG人氣文章

三聖邨泰海鮮@母親節
  上星期六一行..
西貝莜面村
  早排放假同朋..
潮汕八合里海記牛肉店
  早排同朋友一..
外灘軒京川滬菜館
  早排行過天盛..
御前大江戶日式料理
  昨晚家姐請食..
繆氏川菜
  昨天同朋友兩..

Dusty&Angela開心遊世界

從新出發,Dusty&Angela的生活、旅遊、美食既回憶^^


標籤
累計瀏覽次數: 25,118
所有文章: 43
本日訪客人數: 171
累計訪客人數: 24,180